Poema 20 de Pablo Neruda (en Wampís)

Ju kashiña jui verso aiña shir wake mesemran

aamainaitjai.

Amainaitjai, jutiksan: « Kashinka yaarkauwaiti, muyartuiñawai, winka aiña, astro aiña, iká iisam.»

Kashi nasenka nayaimpin teenteawai tura kantameawai.

Ju kashiña jui verso aiña shir wake mesemran

aamainaitjai.

.

Aneasmiajai, tura niisha anentsauwaiti.

Ju kashiña juninnum pankusmiajai.

Shir nukap kunkuasmiajai nayaim nankaneachu amaunam.

Niisha wakerutmiayi, wisha wakerimiajai.

Uturak jii uun shir irsauncha aneshtaiyait.

Ju kashiña jui verso aiña shir wake mesemran 

aamainaitjai.

Aruteatsu nui anentaimsan. Emenkakjapi tusan nekapsan.

Kashi nankaneatsu nuna antusan, níjainchuka shir uunta nuna.

Tura versoka wakanin iyanteawai chirishrin yumi sanarea nunis.

Miña anentak ukumainchauwa nusha puyatrumainchauwaiti.

Kashinka yaarkayi turasha ninka wijainka pujatsui.

Nuketi. Iká kantameawai. Iká.

Wakanruka nakunkut nekapeatsui emenkakjapi tusanka.

Eawai miña jiirun ejetitsa.

Miña anentairka eawai, turasha ninka wijainka pujatsui.

Kashiña nuke nuu numiñak pujumtikña nuke.

Iika, arumaitika, metekchauwaitji.

Yamaika wakeratsjai, nekasaiti, turasha shir senchi wakerukuitjai.

Chichamruka nasen eajakuiti antutairin antintasa.

Tikichnau. Tikichnau atinaiti. Wii kunkuatsain urukuk aya nunis.

Chichame, iyashi chamirsha. Jichiri jayasha.

Yamaika wakeratsjai, nekasaiti, turasha wakeraksha amainaitjai.

Anenkaka sutaraiti, turasha kajinmattaka shir esarmaiti.

Kashi juninnum pankusan pujurmiajai,

Wakanruka nakunkut nekapeatsui emenkakjapi tusanka.

Ju miña iñajturea nuu iñannamu akainkisha,

Tura ju verso wi aaj nuu iñannamu akainkisha.